భక్తుల నామస్మరణతో పుట్టపర్తి మారుమోగింది. ప్రతి హృదయం భక్తి సముద్రంలా మారింది. ఆధ్యాత్మిక బోధనలతో ప్రపంచ మానవాళిని సేవ, ప్రేమ మార్గంలో నడిపించిన సత్యసాయిని భక్తులు అభయ ప్రదాయ నమః అని కీర్తించారు.
జూబ్లీ వేడుకలు ఘనంగా ప్రారంభమయ్యాయి
పుట్టపర్తి: భక్తుల సందడితో పుట్టపర్తి మారుమోగింది. ప్రతి హృదయం భక్తి సముద్రంలా మారింది. ఆధ్యాత్మిక బోధనలతో ప్రపంచ మానవాళిని సేవ, ప్రేమ మార్గంలో నడిపించిన సత్యసాయిని భక్తులు అభయ ప్రదాయ నమః అని కీర్తించారు. ఎటు విన్నా.. సాయి.. సత్యసాయి పేరు వినిపిస్తోంది.
శనివారం పుట్టపర్తిలో సత్యసాయిబాబా జయంతి వేడుకలు కోట్లాది అశేష భక్తజనం మధ్య వేణుగోపాలస్వామి రథోత్సవంతో కన్నుల పండువగా ప్రారంభమయ్యాయి. ఉదయం 9 గంటలకు పెద్దవెంకమరాజు కల్యాణ మండపం నుంచి ఉత్తర గోపురం వద్దకు రథాన్ని తీసుకొచ్చారు.
సాయికుల్వంత్ మందిరంలో వేదపండితులు శాస్త్రోక్తంగా పూజలు నిర్వహించి సాయి విద్యార్థుల వేద మంత్రోచ్ఛారణలు, మంగళ వాయిద్యాల మధ్య వేణుగోపాలస్వామి, సీతారాములు, హనుమంతుల ఉత్సవ మూర్తులను గోపురం ద్వారం వద్దకు తీసుకొచ్చారు.
రథోత్సవంలో ప్రత్యేకంగా అలంకరించబడిన ఉత్సవ విగ్రహాన్ని ప్రతిష్టించి, సత్యసాయిని కీర్తిస్తూ రథాన్ని లాగారు. పూలమాలలు చల్లి, కొబ్బరికాయలు కొట్టి నివాళులర్పించారు. ట్రస్ట్ మేనేజింగ్ ట్రస్టీ ఆర్.జె.రత్నాకర్ కుటుంబ సభ్యులు ప్రత్యేక పూజలు నిర్వహించి ఉత్సవాలను ప్రారంభించారు.
సీతారాములు, హనుమాన్ ఉత్సవ విగ్రహాల పల్లకీని ఆర్జే రత్నాకర్, ఎమ్మెల్యే దుడ్డుకుంట శ్రీధర్ రెడ్డి, మాజీ మంత్రి పల్లె రఘునాథ రెడ్డి తీసుకెళ్లారు.
Discussion about this post