లెబనాన్ ఉగ్రవాద సంస్థ హిజ్బుల్లాకు నిధులు సమకూర్చినట్లు ఆరోపణలు ఎదుర్కొంటున్న భారతీయుడిని అప్పగించేందుకు బ్రిటన్ అంగీకరించినట్లు సమాచారం.
లండన్ : బ్రిటన్ లో నివసిస్తున్న భారతీయ అకౌంటెంట్ ను అమెరికా అప్పగించేందుకు రంగం సిద్ధమైంది. లెబనీస్ ఉగ్రవాద సంస్థ హిజ్బుల్లాకు నిధులు సమకూర్చినట్లు ఆయనపై ఆరోపణలు ఉన్నాయి.
ఇంకాచదవండి
ఈ ఆరోపణలపై బ్రిటీష్ పోలీసులు ఈ ఏడాది ఏప్రిల్‌లో అతన్ని అరెస్టు చేశారు. ఈ క్రమంలో అతడిని అమెరికాకు రప్పించనున్నట్లు తెలుస్తోంది.
తమిళనాడులోని మధురైలో జన్మించిన 66 ఏళ్ల సుందర్ నాగరాజన్ 2016 నుంచి యూకేలో నివసిస్తున్నారు. రిటైర్డ్ అకౌంటెంట్. హిజ్బుల్లాకు ఆర్థిక వనరులను అందిస్తున్న నజీమ్ అహ్మద్‌కు సహాయం చేయడం ద్వారా నాగరాజన్ పెద్ద ఎత్తున మనీలాండరింగ్ మరియు ఆంక్షల ఉల్లంఘనలకు పాల్పడ్డారని యునైటెడ్ స్టేట్స్ ఆరోపించింది.
నజీమ్‌కు బెల్జియం మరియు లెబనాన్‌ల ద్వంద్వ పౌరసత్వం కూడా ఉంది. 2019లో హిజ్బుల్లాకు సహకరిస్తున్నందున నజీమ్‌ను అమెరికా ఉగ్రవాదిగా ప్రకటించింది. అతను US పౌరులతో లావాదేవీలు నిర్వహించకుండా కూడా నిషేధించింది.
నాగరాజన్ నజీమ్‌కు ఆర్థిక సహాయం చేశారని అమెరికా ఆరోపించింది. ఏప్రిల్‌లో నాగరాజన్‌ను బ్రిటన్‌లోని అతని ఇంట్లో అరెస్టు చేశారు. తాను హిందూ నేపథ్యం ఉన్నవాడినని, ఇస్లామిక్ ఉగ్రవాదానికి మద్దతు ఇవ్వనని కోర్టులో వాదించారు.
అయితే ఆయన వాదనలను కోర్టు పరిగణనలోకి తీసుకోలేదు. ఈ క్రమంలో అమెరికాకు అప్పగించేందుకు కోర్టు అనుమతించింది.
తాజాగా ఇజ్రాయెల్-హమాస్ మధ్య జరుగుతున్న పోరులో హిజ్బుల్లా పేరు వినిపిస్తోంది. హిజ్బుల్లా ఇరాన్‌తో చాలా కాలంగా అనుబంధం కలిగి ఉంది. నిధుల నుంచి ఆయుధాల వరకు ఇరాన్ దానికి సరఫరా చేస్తోంది. ఇజ్రాయెల్ హమాస్‌పై విరుచుకుపడుతుండగా, హిజ్బుల్లా కూడా యుద్ధంలో భాగం. కానీ, ఆ ఉగ్రవాద సంస్థ ప్రస్తుతం చిన్న చిన్న దాడులు, బెదిరింపులకే పరిమితమైంది.
Discussion about this post