అనంతపురం విద్య:
ప్రతి ఉపాధ్యాయుడు కొత్త ఆలోచనలతో బోధిస్తే వినూత్న ఆవిష్కరణలు వెలుగులోకి వస్తాయని పాఠశాల విద్యా అదనపు సంచాలకులు, కేజీబీవీ పాఠశాలల కార్యదర్శి మధుసూదనరావు పేర్కొన్నారు. కేజీబీవీల్లో కొత్తగా నియమితులైన సీఆర్టీలు, పీజీటీలకు అనంతపురం శివారులోని వైటీ శివారెడ్డి ఇంజినీరింగ్ కళాశాలలో ‘ఇండక్షన్ శిక్షణ’ తరగతులు ఏర్పాటు చేశారు.
ఈ నెల 16న ప్రారంభమైన శిక్షణ తరగతులు మంగళవారంతో ముగిశాయి. కార్యక్రమానికి ముఖ్యఅతిథిగా హాజరైన మధుసూదన్‌రావు మాట్లాడుతూ పిల్లలకు విజ్ఞానం, భాష, నడక, అందచందాలు తదితర అంశాల్లో ఉపాధ్యాయులు ఆదర్శంగా నిలవాలని, అనాథ, తండ్రిలేని, పేద బాలికలు చదివే కేజీబీవీలను ఉన్నతీకరించాలని కోరారు. పిల్లల ఆర్థిక మరియు సామాజిక పరిస్థితులను దృష్టిలో ఉంచుకుని.
డీఈవో నాగరాజు, సమగ్ర శిక్షాస్మృతి ఏపీసీ వరప్రసాదరావు, జీసీడీఓ మహేశ్వరి మాట్లాడుతూ ఇక్కడ నేర్చుకున్న విలువైన అంశాలను కేజీబీవీల్లో అమలు చేసి విద్యార్థినుల ఉజ్వల భవిష్యత్తుకు బాటలు వేయాలన్నారు. కార్యక్రమంలో ఏఎంఓ చంద్రమోహన్‌రెడ్డి, అలెస్కో గోవిందారెడ్డి, ఎంఈఓలు గురుప్రసాద్‌, ఓబుళపతి, అసిస్టెంట్‌ సీఎంవో గోపాలకృష్ణయ్య, అసిస్టెంట్‌ ఏఎంఓలు మాధవరెడ్డి, చంద్రమోహన్‌రెడ్డి తదితరులు పాల్గొన్నారు.
బాధ్యతతో మీ విధులను నిర్వర్తించండి:
మీరు చెప్పే చదువుతోనే పేద పిల్లలు ఉన్నత శిఖరాలకు చేరుకోగలరు. ఇలాంటి వృత్తిలోకి వచ్చిన మీరంతా బాధ్యతగా పనిచేయాలని కేజీబీవీ ఉపాధ్యాయులకు మధుసూదన్ రావు సూచించారు. మంగళవారం వచ్చిన ఆయన గార్లదిన్నె కేజీబీవీలను పరిశీలించారు. విద్యార్థులు, ఉపాధ్యాయులతో మాట్లాడారు.
నోటు పుస్తకాలు సరిచేయకపోవడంపై ఆయన అసహనం వ్యక్తం చేశారు. తప్పుగా రాసిన వాటిని సరిదిద్దకపోతే పిల్లలకు ఎలా తెలుస్తుందని సీఆర్టీలను ప్రశ్నించారు. ఉపాధ్యాయులపైనే పిల్లల భవిష్యత్తు ఆధారపడి ఉంటుందన్న విషయాన్ని గుర్తుంచుకోవాలన్నారు. ప్రభుత్వం అన్ని సౌకర్యాలు కల్పిస్తోందని, అందుకు అనుగుణంగా పిల్లలను చదివించాల్సిన బాధ్యత ఉపాధ్యాయులపై ఉందన్నారు.
Discussion about this post