జనసేన పార్టీకి భారీ ఊరట లభించింది. జనసేనకు గాజు గ్లాస్ గుర్తు కేటాయింపును సవాల్ చేస్తూ దాఖలైన పిటిషన్ ను హైకోర్టు మంగళవారం కొట్టేసింది. గ్లాసు గుర్తును జనసేనకు కేంద్ర ఎన్నికల సంఘం కేటాయించగా.. తొలుత తాము ఈ గుర్తు కోసం దరఖాస్తు చేశామని పిటిషన్‌లో రాష్ట్రీయ ప్రజా కాంగ్రెస్ పార్టీ.. హైకోర్టును ఆశ్రయించింది. ఈ పిటిషన్‌పై ఇటీవల ఇరుపక్షాల సుదీర్ఘ వాదనలు విన్న హైకోర్టు తీర్పును రిజర్వ్ చేయగా.. ఇవాళ ఆ పిటిషన్‌ను న్యాయస్థానం కొట్టేసింది. ఈ తీర్పు తో జనసేన శ్రేణులు సంతోషం వ్యక్తం చేస్తున్నారు.
రెండు రోజుల్లో ఏపీలో నామినేషన్ల పర్వం ప్రారంభం కాబోతోంది. ఈ క్రమంలో పవన్ కల్యాణ్.. తన పార్టీ అభ్యర్థులందరికీ నేడు బీఫాంలను అందజేయనున్నారు. మంగళగిరిలోని పార్టీ కేంద్ర కార్యాలయంలో ఈ కార్యక్రమం ఏర్పాటైంది. ఈ మధ్యాహ్నం వారందరితో సమావేశం కానున్నారాయన. ఇప్పటివరకు జరిగిన ఎన్నికల ప్రచార కార్యక్రమాలను సమీక్షించనున్నారు. వారికి దిశానిర్దేశం చేయనున్నారు. పిఠాపురం- పవన్ కళ్యాణ్, నెల్లిమర్ల- లోకం మాధవి, అనకాపల్లి- కొణతాల రామకృష్ణ, కాకినాడ రూరల్- పంతం నానాజీ, రాజానగరం- బత్తుల బలరామకృష్ణ, తెనాలి- నాదెండ్ల మనోహర్, నిడదవోలు- కందుల దుర్గేష్, పెందుర్తి- పంచకర్ల రమేష్ బాబు, యలమంచిలి- సుందరపు విజయ్ కుమార్ పోటీ చేయబోతున్నారు.
source : vaartha.com
Discussion about this post